Շախմատի համաշխարհային օլիմպիադա. Հայաստանը համառ պայքարում հաղթեց Հնդկաստանին

Շախմատի համաշխարհային օլիմպիադա. Հայաստանը համառ պայքարում հաղթեց Հնդկաստանին

06/08/2022 - 19:51

Հնդկաստանի Չենայ քաղաքում շարունակվում է շախմատի համաշխարհային օլիմպիադան։

Այսօր` օգոստոսի 6-ին, կայացան 8-րդ տուրի պարտիաները, որի շրջանամում Հայաստանի հավաքականը համառ պայքարում 2.5-1.5 հաշվով հաղթեց Հնդկաստանին։

Հայաստանի հավաքականին հաղթանակ պարգևեց առաջին խաղատախտակի վրա հանդես եկող Գաբրիել Սարգսյանը, ով գրեթե 7 ժամ տևած պայքարում 102-րդ քայլին, ի վերջո, կոտրեց Պենտալա Հարիկիշնայի դիմադրությունը։

Մյուս խաղատախտակների վրա հանդես եկող Հրանտ Մելքումյանը, Սամվել Տեր-Սահակյանն ու Ռոբերտ Հովհաննիսյանն իրենց պարտիաներն ավարտել են ոչ-ոքի։

Նշենք, որ Հայաստանի հավաքականն այս հաղթանակից հետո վաստակեց 15 միավոր և շարունակում է գլխավորել մրցաշարային աղյուսակը։

Հավելենք, որ 14-ական միավորով 2-րդ հորիզոնականը կիսում են Հնդկաստանի 2-րդ ու Ուզբեկստանի հավաքակնները։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

#

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022