Յուվենտուսն ու Ռոման բանակցում են խոշոր տրանսֆերի շուրջ

Յուվենտուսն ու Ռոման բանակցում են խոշոր տրանսֆերի շուրջ

07/07/2022 - 00:58

«Ռոմայի» կիսապաշտպան Նիկոլո Ձանիոլոն, հնարավոր է, կարիերան շարունակի «Յուվենտուսի» կազմում։

Ինչպես տեղեկացնում է ինսայդեր Նիկոլո Սկիրան, «բյանկոներիները» բավական լրջորեն հետաքրքրված են իտալացի կիսապաշտպանի ծառայություններով ու նրա տրանսֆերի հարցում բանակցություններ են վարում հռոմեական ակումբի հետ։

Աղբյուրի փոխանցմամբ` թուրինյան ակումբն արդեն 4 տարվա պայմանագիր է համաձայնեցրել 23-ամյա ֆուտբոլիստի հետ, իսկ նրա տարեկան աշխատավարձը կազմելու է 4 մլն եվրո։

Նշվում է, որ «Յուվենտուսը» պատրաստ է 10 մլն եվրոյի դիմաց վարձակալել Ձանիոլոյին, իսկ կողմերի միջև կնքվելիք պայմանագրում պետք է ներառվի նաև պարտադիր գնման իրավունք, որի դիմաց էլ «ծեր սինյորան» կվճարի ևս 30-35 մլն եվրո։

Հաղորդվում է, որ «Ռոման» պատրաստ է բաժանվել Ձանիոլոյից, սակայն, եթե միայն նրա վաճառքից ստանա նվազագույնը 50 մլն եվրո։

Սպասվում է, որ կողմերի միջև բանակցությունները կշարունակվեն առաջիկա 48 ժամերի ընթացքում։

Հավելենք, որ Նիկոլո Ձանիոլոն «գայլերի» շարքերը համալրել է 2018 թ. հուլիսին, որի կազմում մինչ օրս անցկացրել է 111 հանդիպում` դառնալով 22 գոլի և 15 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022