Մբապեն գերազանցել է Պելեի, Էյսեբիոյի և Գերդ Մյուլլերի տպավորիչ ռեկորդները

Մբապեն գերազանցել է Պելեի, Էյսեբիոյի և Գերդ Մյուլլերի տպավորիչ ռեկորդները

05/12/2022 - 01:19

ԱԱ-2022-ի 1/8 եզրափակիչի շրջանակում Ֆրանսիան 3:1 հաշվով հաղթեց Լեհաստանին։

Հանդիպման հերոս դարձավ «եռագույնների» հարձակվող Կիլիան Մբապեն, ով խփեց երկու գոլ և կատարեց մեկ գոլային փոխանցում։

23-ամյա ֆուտբոլիստն աշխարհի առաջնությունների շրջանակում իր խփած գոլերի քանակը հասցրել է 9-ի։

Ինչպես տեղեկացնում է Gracenote Live-ը, Մբապեն դարձել է մունդիալների պատմության ամենաերիտասարդ ֆուտբոլիստը, ով մրցաշարի շրջանակում խփել է 8 և ավելի գոլ։

Լեհաստանի դեմ կայացած հանդիպման օրը Մբապեն եղել է 23 տարեկան և 349 օրական։

Այդ ցուցանիշով Մբապեն գերազանցել է պորտուգալական ֆուտբոլի լեգենդ Էյսեբիոյին, ով 1966 թ. իր 8-րդ գոլը խփել է 24 տարեկան և 182 օրական հասակում։

Մբապեն գերազանցել է նաև Պելեի տպավորիչ ռեկորդը` դառնալով աշխարհի առաջնությունների շրջանակում մինչև 24 տարեկանն ամենաշատ գոլ խփած ֆուտբոլիստը։

Պելեն նախքան 24 տարեկանը խփել է 7, իսկ ֆրանսիացի գոլահարն` արդեն 9 գոլ։

Բացի դրանից, ինչպես հայտնում է իսպանացի հայտնի լրագրող Ալեքսիս Մարտինը, Մբապեն դարձել է մունդիալների պատմության ամենաերիտասարդ ֆուտբոլիստը, ով ներգրավվածություն է ունեցել իր հավաքականի խփված 11 գոլերում (9 գոլ + 2 գոլային փոխանցում)։

Այդ ցուցանիշով 23-ամյա ֆուտբոլիստը գերազանցել է Գերմանիայի հավաքականի լեգենդար նախկին հարձակվող Գերդ Մյուլլերին, ով 1970 թ. նման արդյունքի հասել է 24 տարեկան և 226 օրական հասակում։

Հավելենք, որ Կիլիան Մբապեն ընթացիկ ԱԱ-ի շրջանակում խփել է արդեն 5 գոլ և գլխավորում է լավագույն ռմբարկուների ցուցակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022