Մանուել Նոյերը դարձել է ԱԱ-ների պատմության ընթացքում ամենաշատ հանդիպում անցկացրած դարպասապահը

Մանուել Նոյերը դարձել է ԱԱ-ների պատմության ընթացքում ամենաշատ հանդիպում անցկացրած դարպասապահը

02/12/2022 - 12:10

ԱԱ-2022-ի E խմբի 3-րդ տուրում Գերմանիայի հավաքականը 4:2 հաշվով հաղթեց Կոստա Ռիկային։

«Բունդեսմանշֆթի» կազմից ողջ հանդիպմանը մասնակցեց նաև դարպասապահ Մանուել Նոյերը։

Ինչպես տեղեկացնում է ՖԻՖԱ-ի մամուլի ծառայությունը, Նոյերն աշխարհի առաջնությունների շրջանակում անցկացրել է 19-րդ հանդիպումը` դառնալով մրցաշարի պատմության ամենաշատ հանդիպման մասնակցած դարպասապահը։

36-ամյա դարպասապահը շրջանցել է Կլաուդիո Տաֆարելին (Բրազիլիա) և Զեպ Մայերին (Գերմանիա), ովքեր անցկացրել են 18 հանդիպում։

Նրանց հաջորդում են Պիտեր Շիլթոնը (Անգլիա), Իկեր Կասիլիասը (Իսպանիա), Դինո Ձոֆը (Իտալիա) և Ֆաբիեն Բարտեզը (Ֆրանսիա)։ Նրանք բոլորը մունդիալի շրջանակում մասնակցել են 17 հանդիպման։

Հավելենք, որ Նոյերն այդ 19 հանդիպումների ընթացքում 7 անգամ դարպասը պահել է անառիկ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022