Հոֆֆենհայմը կամային հաղթանակ տոնեց Վոլֆսբուրգի նկատմամբ🎥

Հոֆֆենհայմը կամային հաղթանակ տոնեց Վոլֆսբուրգի նկատմամբ🎥

25/09/2021 - 19:26

Գերմանական Բունդեսլիգայի 6-րդ տուրի շրջանակում «Հոֆֆենհայմը» սեփական հարկի տակ մրցեց «Վոլֆսբուրգի» դեմ։

Հանդիպման հաշիվը 25-րդ րոպեին հեռահար հարվածով բացեց Ռիդլե Բակուն` առաջ մղելով «Վոլֆսբուրգին»։

Չնայած «Հոֆֆենհայմն» առաջինը գնդակ ընդունեց սեփական դարպասը, սակայն «գյուղացիները» հետագայում 3 գնդակ խփեցին և տոնեցին կամային հաղթանակ։

«Գյուղացիների» կազմից մեկական անգամ աչքի ընկան Անդրեյ Կրամարիչը, Քրիստոֆ Բաումգարտներն ու Պավել Կադերաբեկը։

Հավելենք, որ «Հոֆֆենհայմի» կազմում այս հանդիպմանը մասնակցեց նաև Սարգիս Ադամյանը, ով խաղն սկսեց մեկնարկային րոպեներից և փախարինվեց 70-րդ րոպեին։

Այսպիսով, «Հոֆֆենհայմը» 3:1 հաշվով հաղթեց «Վոլֆսբուրգին», վաստակեց 8 միավոր և բարձրացավ 9-րդ հորիզոնական։

«Գայլերն» էլ մնացին նախապես վաստակած 13 միավորով և զբաղեցնում են 3-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor