Կադիսն անչափ կարևոր միավոր վաստակեց Ռեալի դեմ խաղում🎥

Կադիսն անչափ կարևոր միավոր վաստակեց Ռեալի դեմ խաղում🎥

15/05/2022 - 23:31

Իսպանական Լա լիգայի նախավերջին` 37-րդ տուրում «Ռեալը Մադրիդը» հյուրընկալվելիս մրցեց «Կադիսի» դեմ։

Հանդիպման հաշիվը բացվեց արդեն 5-րդ րոպեին. Մարիանո Դիասն առաջ մղեց «արքայական» ակումբին։

Այդուհանդերձ, նախքան ընդմիջման գնալը տանտերերին հաջողվեց խփել պատասխան գնդակը. 37-րդ րոպեին աչքի ընկավ Ռուբեն Սոբրինոն։

Երկրորդ խաղակեսում անդալուսական ակումբն ուներ ավելի լավ տես և կարող էր նույնիսկ հաղթանակ կորզել, սակայն 61-րդ րոպեին Ալվարո Նեգրեդոն չկարողացավ դիպուկ իրացնել 11-մետրանոցը. Կառլո Անչելոտիի թիմին փրկեց պահեստային դարպասապահ Անդրեյ Լունինը։

Հանդիպման մնացած ժամանակահատվածում այլևս գոլեր չգրանցվեցին, որն ավարտվեց 1:1 հաշվով։

Այս ոչ-ոքիից հետո «Ռեալը» վաստակեց 85 միավոր և շարունակում է գլխավորել Լա լիգայի մրցաշարային աղյուսակը։

Հիշեցնենք, որ մադրիդյան ակումբը դեռևս 34-րդ տուրից հետո է ամրագրել չեմպիոնական տիտղոսը։

«Կադիսը», 36 միավորով, 18-րդն է և պայքարում է տեղը Լա լիգայում պահելու համար։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022