Ծանրամարտի ԵԱ. Անդրանիկ Կարապետյանը փոքր արծաթե մեդալ նվաճեց

Ծանրամարտի ԵԱ. Անդրանիկ Կարապետյանը փոքր արծաթե մեդալ նվաճեց

02/06/2022 - 22:15

Ալբանիայի մայրաքաղաք Տիրանայում ընթանում է ծանրամարտի Եվրոպայի առաջնությունը։

Այսօր` հունիսի 2-ին, պայքարի մեջ մտան մինչև 89 կգ քաշային կարգի ծանրորդները։

Այդ քաշային կարգում Հայաստանն ուներ երկու ներկայացուցիչ` ի դեմս Անդրանիկ Կարապետյանի և Վարդան Մանուկյանի։

Պոկում վարժությունում Կարապետյանը գլխավերևում առավելագույնը պահեց 174-կիլոգրամանոց ծանրաձողը և նվաճեց փոքր արծաթե մեդալ։

Հրում վարժությունում 26-ամյա ծանրորդը գլխավերեում պահեց միայն 191-կիլոգրամանոց ծանձրաձողն ու երկամարտի, 365 կգ արդյունքով, գրավեց միայն 5-րդ հորիզոնականը։

Վարդան Մանուկյանը պոկում վարժությունում բարձրացրեց 160-կիլոգրամանոց ծանրաձողը, սակայն հրում վարժությունում ստացավ զրո ու դուրս մնաց հետագա պայքարից։

Նշենք, որ երկամարտի 392 կգ (175+217 կգ) արդյունքով Եվրոպայի չեմպիոն դարձավ իտալացի Անտոնիո Պիցոլատոն։

25-ամյա ծանրորդը հրում վարժությունում բարձրացրեց 217 կգ-ն ու սահմանեց համաշխարհային նոր ռեկորդ։

Հատկանշական է, որ նրա գրանցած երկամարտի արդյունքը նույնպես ռեկորդային է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022