Ինտերի գլխավոր տնօրենը հաստատել է. Մխիթարյանը կհամալրի «ներաձուրիների» շարքերը

Ինտերի գլխավոր տնօրենը հաստատել է. Մխիթարյանը կհամալրի «ներաձուրիների» շարքերը

20/06/2022 - 22:49

«Ինտերի» գլխավոր տնօրեն Ջուզեպե Մարոտան հաստատել է, որ ակումբն ավարտին է հասցրել «Ռոմայի» կիսապաշտպան Հենրիխ Մխիթարյանի և «Այաքսի» դարպասապահ Անդրե Օնանայի տրանսֆերները.

«Ես հաստատում եմ, որ ակումբն ազատ գործակալի կարգավիճակով պայմանագիր է կնքելու Հենրիխ Մխիթարյանի ու Անդրե Օնանայի հետ. երկու գործարքներն էլ կայացած են։

Այժմ մենք փորձում ենք պայմանագիր կնքել Պաուլո Դիբալայի և Ռոմելու Լուկակուի հետ։ Այդ գործարքները կախված են միայն ֆինանսական պայմաններից։

Բրեմերը (խմբ.` «Տորինո») նույնպես այն ֆուտբոլիստների ցանկում է, ով անհրաժեշտ է մեր ակումբին»,- եզրափակել է Մարոտան, ում խոսքերը մեջբերում է ինսայդեր Ֆաբրիցիո Ռոմանոն։

Հիշեցնենք` ավելի վաղ հայտնի էր դարձել, որ «ներաձուրիները» Մխիթարյանի հետ կնքելու են 2 տարվա պայմանագիր, իսկ նրա աշխատավարձը կազմելու է 3.5 մլն եվրո։

Սպասվում է, որ հայազգի ֆուտբոլիստն առաջիկա օրերին բուժզննում կանցնի միլանյան ակումբի համար, ինչից հետո պաշտոնապես կհայտարարվի գործարքի մասին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022