Թրիլլեր «Սան Սիրոյում». Միլանը հիասքանչ comeback-ով հաղթեց Վերոնային🎥

Թրիլլեր «Սան Սիրոյում». Միլանը հիասքանչ comeback-ով հաղթեց Վերոնային🎥

17/10/2021 - 00:44

Ա սերիայի 8-րդ տուրի շրջանակում «Միլանը» սեփական հարկի տակ մրցեց «Վերոնայի» դեմ։

Հանդիպումը շոկային մեկնարկ ունեցավ, քանի որ «Վերոնայի» ֆուտբոլիստները շատ արագ երկու գնդակի առավելություն ստացան. նախ 7-րդ րոպեին աչքի ընկավ Ջանլուկա Կապրարին, ապա 24-րդ րոպեին` Անտոնին Բարակը։

Կողմերն ընդմիջման գնացին հյուրերի երկու գնդակի առավելության պայմաններում։

Երկրորդ խաղակեսում «ռոսոներիները» կերպարանափոխված տեսք ունեին և կարողացան բեկել հանդիպման ընթացքը ու տանել կամային հաղթանակ։

«Միլանի» կազմից աչքի ընկան Օլիվիե Ժիրուն ու Ֆրանկ Կեսիեն, իսկ «Վերոնայի» պաշտպան Կորայ Գյունտերը դարձավ ինքնագոլի հեղինակ։

Այսպիսով, «Միլանը» հիանալի Comeback գրանցեց` 3:2 հաշվով հաղթելով «Վերոնային»։

Այս հաղթանակից հետո Ստեֆանո Պիոլիի թիմը վաստակեց 22 միավոր և գլխավորեց Ա սերիայի մրցաշարային աղյուսակը։

«Վերոնան» մնաց նախապես վաստակած 8 միավորով և զբաղեցնում է 13-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor