Թրիլլեր «Գազպրոմ Արենայում». Չելսին ու Զենիթը գերարդյունավետ ոչ-ոքի գրանցեցին🎥

Թրիլլեր «Գազպրոմ Արենայում». Չելսին ու Զենիթը գերարդյունավետ ոչ-ոքի գրանցեցին🎥

08/12/2021 - 23:43

Չեմպիոնների լիգայի խմբային փուլի վերջին` 6-րդ տուրում «Չելսին» H խմբի շրջանակում Սանկտ Պետերբուրգի «Գազպրոմ Արենա» մարզադաշտում մրցեց «Զենիթի» դեմ։

Հանդիպման հաշիվը բացվեց արդեն 2-րդ րոպեին. անկյունայինի խաղարկումից հետո «Չելսիին» առաջ մղեց Տիմո Վերները։

Նախքան ընդմիջման գնալը «Զենիթը» ոչ միայն հավասարեցրեց, այլև առաջ անցավ հաշվի մեջ. նախ 38-րդ րոպեին աչքի ընկավ Կլաուդինիոն, ապա 41-ին` Սերդար Ազմունը։

Երկրորդ խաղակեսն անցավ բավական դինամիկ և փոխնիփոխ գրոհների ներքո, ինչի արդյունքում կողմերը թրիլլերային հանդիպում պարգևեցին ֆուտբոլասերներին, որը, ի վերջո, ավարտվեց 3:3 հաշվով։

«Չելսին» Ռոմելու Լուկակուի և Տիմո Վերների խփած գոլերի շնորհիվ մինչև 90+4-րդ րոպեն հաղթում էր տանտերերին, սակայն Մգոմեդ Օզդոևը հիանալի գոլի հեղինակ դարձավ ու պարտությունից փրկեց ռուսական ակումբին։

Այսպիսով, այս թրիլլերային հանդիպումն ավարտվեց 3:3 հաշվով։

Այս ոչ-ոքիից հետո «Չելսին» H խմբի շրջանակում վաստակեց 13 միավոր և երկրորդ հորիզոնականով նվաճեց Չեմպիոնների լիգայի 1/8 եզրափակիչի ուղեգիր։

«Զենիթը» վաստակեց 5 միավոր և հանդես կգա Եվրոպա լիգայի 1/16 եզրափակիչում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022