Բռնցքամարտ. Չալոյանը հիանալի հաղթանակ տոնեց ադրբեջանցու նկատմամբ` դուրս գալով ԱԱ եզրափակիչ🎥

Բռնցքամարտ. Չալոյանը հիանալի հաղթանակ տոնեց ադրբեջանցու նկատմամբ` դուրս գալով ԱԱ եզրափակիչ🎥

04/11/2021 - 23:19

Հոկտեմբերի 25-ից սկսած` Սերբիայի մայրաքաղաք Բելգրադում ընթանում է բռնցքամարտի աշխարհի առաջնությունը։

Մրցաշարն արդեն թևակոխել է վճռորոշ փուլ. տարբեր քաշային կարգերում տեղի են ունենում կիսաեզրափակիչ և եզրափակիչ մենամարտերը։

Պարզապես փայլում է գերծանր քաշային կարգում հանդես եկող Դավիթ Չալոյանը, ով, պայքարը սկսելով 1/16 եզրափակիչից և հաղթելով բոլոր մրցակիցներին, հասել է արդեն աշխարհի առաջնության եզրափակիչ։

Հատկապես տպավորիչ է ստացվել Չալոյանի` նոյեմբերի 4-ին կայացած մենակարտը, որի շրջանակում մեր բռնցքամարտիկը 5:0 հաշվով ջախջախեց Ադրբեջանը ներկայացնող Մուհամեդ Աբդուլաևին։

Եզրափակիչի շրջանակում Չալոյանը նոյեմբերի 5-ին կմենամարտի Ռուսաստանը ներկայացնող Մարկ Պետրովսկիի դեմ։

Նշենք, որ վերջին 12 տարիների ընթացքում առաջին անգամ Հայաստանը ներկայացուցիչ կունենա բռնցքամարտի աշխարհի առաջնության եզրափակիչում։

Տեսանյութը` Vnews.am-ի։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022