Բոնուչին սպառնացել է սպանել Ինտերի քարտուղարին. նրան որակազրկում է սպառնում📸

Բոնուչին սպառնացել է սպանել Ինտերի քարտուղարին. նրան որակազրկում է սպառնում📸

14/01/2022 - 13:55

Իտալիայի Սուպերգավաթի խաղում «Յուվենտուսը» լրացուցիչ ժամանակում 1:2 հաշվով պարտվեց «Ինտերին»։

Միլանյան ակումբի կազմից հաղթական գնդակը 120+1-րդ րոպեին խփեց Ալեքսիս Սանչեսը, ինչից հետո արտառոց դեպք է գրանցվել։

Ինչպես տեղեկացնում է Football Italia-ն, «Ինտերի» խփած գոլից հետո ակումբի քարտուղար Քրիստիանո Մոցիլոն բավական բուռն է նշել իր թիմի հաջողությունը, ինչն էլ առաջացրել է «Յուվենտուսի» պաշտպան Լեոնարդո Բոնուչիի զարյույթը։

Իտալացի պաշտպանը մոտեցել է Մոցիլոյին և սպառնացել, որ կսպանի նրան.

«Դու գոլն իմ առջև ես տոնո՞ւմ. այ քեզ անհեթեթություն։ Ես քեզ կսպանեմ»,- ասել է Բոնուչին։

«Ներաձուրիների» քարտուղարը, հասկանալով ստեղծված իրավիճակը, փորձել է հանգստացնել թուրինյան ակումբի պաշտպանին։

Բարեբախտաբար, ամեն ինչ հարթվեց և որևէ միջադեպ տեղի չունեցավ, սակայն այդ ամենը գրավել է Իտալիայի մի շարք դաշնային քննիչների ուշադրությունը, ովքեր եթե գործին ընթացք տան, ապա հավանական է, որ Լեոնարդո Բոնուչին կորակազրկվի մի քանի խաղով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022