Ալեգրի. «Երբեմն թվում է, թե սատանան է հնարել ֆուտբոլը

Ալեգրի. «Երբեմն թվում է, թե սատանան է հնարել ֆուտբոլը

13/01/2022 - 17:26

Իտալիայի Սուպերգավաթի շրջանակում «Յուվենտուսը», լրացուցիչ ժամանակում 1:2 հաշվով պարտվեց «Ինտերին». միլանյան ակումբը հաղթական գնդակը խփեց 120+1-րդ րոպեին։

Խաղից հետո իր տպավորություններով է կիսվել թուրինյան ակումբի գլխավոր մարզիչ Մասիմիլիանո Ալեգրին.

«Հիասքանչ խաղ էր և լավ փորձություն` հասկանալու համար, թե իրականում որտեղ ենք մենք գտնվում։

Ցավոք, երբեմն թվում է, թե ֆուտբոլը սատանան է հորինել։

Մենք անուշադիր և միամիտ գտնվեցինք հանդիպման ավարտից 5 վայրկյան առաջ, սակայն խաղում էինք ներկա պահին Իտալիայի ամենաուժեղ ակումբի դեմ և ունեցանք մի շարք գոլային պահեր։

Բացի դրանից, «Ինտերին» թույլ չտվեցինք շատ գոլային դրվագներ ստեղծել մեր դարպասի ուղղությամբ։

Խաղավարտից 5 վայրկյան առաջ պարտվելը ցավ է պատճառում, սակայն մենք այս ամենից պետք է դասեր քաղենք Ա սերիայի, Իտալիայի գավաթի և Չեմպիոնների լիգայի համար։

Մենք պետք է նաև դրական բաները տեսնենք. թիմը, հատկապես ֆիզիկական տեսանկյունից, բարելավել է խաղը»,- իտալացի մասնագետի խոսքերը մեջբերում է Football Italia-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022