Ալաշկերտը հաղթանակով է ավարտել Անթալիայում առաջին հավաքը

Ալաշկերտը հաղթանակով է ավարտել Անթալիայում առաջին հավաքը

05/02/2019 - 20:43

«Ալաշկերտը» հաղթանակով ավարտեց Անթալիայում ընթացող առաջին արտասահմանյան հավաքը:

Երրորդ ստուգողական խաղում հայկական թիմի մրցակիցն էր Ուկրաինայի Պրեմիեր լիգայում 6-7 հորիզոնականները բաժանող «Մարիուպոլը»: Արամ Ոսկանյանի գլխավորած թիմը վստահ հաղթանակ տարավ 2:0 հաշվով:

Ալաշկերտցիների կազմում ստանդարտների խաղարկման արդյունքում առաջին խաղակեսում աչքի ընկան բրազիլացի հարձակվող Գլաուսիոն և սերբ պաշտպան Դանիել Ստոյկովիչը,- հայտնում է ակումբի մամուլի ծառայությունը:

Այսպիսով, «Ալաշկերտը» 3 ստուգողական հանդիպում անցկացրեց առաջին արտասահմանյան հավաքի ընթացքում.

«Ալաշկերտ» – «Մետալուրգ» (Ուզբեկստան)՝ 3:0

«Ալաշկերտ» – «Ակտոբե» (Ղազախստան)` 1:1

«Ալաշկերտ» – «Մարիուպոլ» (Ուկրաինա)` 2:0

Վաղը Հայաստանի գործող չեմպիոնը կվերադառնա Երևան, իսկ փետրվարի 11-25-ը ևս մեկ ուսումնամարզական հավաք կանցկացնի Անթալիայում: Մրցակիցների մասին ակումբը կտեղեկացնի առաջիկայում:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022