Transfermarkt-ը ավելացրել է Բիչախչյանի տրանսֆերային արժեքը
Հեղինակավոր Transfermarkt պորտալը, որը սահմանում է ֆուտբոլիստների ամենաօբյեկտիվ շուկայական արժեքները, թարմացրել է Սլովակիայի Ֆորտունա լիգայի շրջանակում հանդես եկող ֆուտբոլիստների տրանսֆերային արժեքները։
Բարելավումից չի խուսափել նաև «Ժիլինայի» և Հայաստանի հավաքականի կիսապաշտպան Վահան Բիչախչյանը։ 21-ամյա ֆուտբոլիստի տրանսֆերային արժեքը 250 հազար եվրոյից դարձել է 600 հազար եվրո։
Հայազգի ֆուտբոլիստն իր տրանսֆերային արժեքով «Ժիլինայի» ամենաթանկարժեք խաղացողն է։ Նա այդ ասպեկտում առաջին հորիզոնականը կիսում է կենտրոնական հարձակվող Դավիդ Կուրմինովսկիի հետ, ում արժեքը նույնպես 600 հազար եվրո է։
Վահան Բիչախչյանն ընթացիկ մրցաշրջանը բավական հաջող է անցկացնում։ «Ժիլինայի» կազմում նա ընդհանուր առմամբ խաղադաշտ է դուրս եկել 16 անգամ՝ դառնալով 9 գոլի և 2 գոլային փոխանցման հեղինակ։
# Transfermarkt, Ժիլինա, Հայաստանի-հավաքական, Վահան Բիչախչյան, Ֆորտունա լիգա