Անգլիական գրանդն առաջարկ է պատրաստում`Ժեզուսին ձեռք բերելու համար

Անգլիական գրանդն առաջարկ է պատրաստում`Ժեզուսին ձեռք բերելու համար

14/05/2022 - 17:22

«Մանչեսթեր Սիթիի» հարձակվող Գաբրիել Ժեզուսը, ամենայն հավանականությամբ, ընթացիկ մրցաշրջանի ավարտից հետո կփոխի ակումբային գրանցումը։

Էրլինգ Հալանդի և Խուլիան Ալվարեսի տրանսֆերներից հետո մեծ է հավանականությունը, որ բրազիլացի հարձակվողը կկորցնի տեղը «քաղաքաբնակների» մեկնարկային կազմում։

Ստեղծված իրավիճակից փորձում է օգտվել «Արսենալը», որը լրջորեն հետաքրքրված է 25-ամյա ֆուտբոլիստի ծառայություններով։

Ինչպես հայտնում է ինսայդեր Ֆաբրիցիո Ռոմանոն, «զինագործները» Ժեզուսին ձեռք բերելու համար առաջարկ են պատրաստում։

Հայտնի է, որ «Սիթին» բրազիլացի ֆուտբոլիստի վաճառքից ցանկանում է նվազագույնը վաստակել 50-60 մլն եվրո։

Ավելի վաղ Ժեզուսի գործակալ Մարսելո Պետինատին հայտնել է, որ Ժեզուսի տրանսֆերի հարցում արդեն բանակցություններ վարել են «Արդենալի» հետ, քանի որ ֆուտբոլիստին դուր է գալիս լոնդոնյան ակումբի սպորտային նախագիծը։

Հիշեցնենք, որ Ժեզուսը «Մանչեսթեր Սիթիի» կազմում հանդես է գալիս 2017 թ. հունվարից, որի մարզաշապիկով մինչ օրս անցկացրել է 234 հանդիպում` դառնալով 95 գոլի և 46 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022