Գյուլբուդաղյանց. Խաղի որոշ հատվածներից գոհ եմ, բայց ընդհանուր՝ ոչ

Գյուլբուդաղյանց. Խաղի որոշ հատվածներից գոհ եմ, բայց ընդհանուր՝ ոչ

26/03/2019 - 23:28

ԵՎՐՈ-2020-ի որակավորման փուլի Հայաստան – Ֆինլանդիա (0:2) հանդիպումից հետո կայացավ մեր ազգային թիմի գլխավոր մարզիչ Արմեն Գյուլբուդաղյանցի ասուլիսը.

-Կարծես 2 պարզ գոլ ընդունեցինք. ի՞նչն էր պատճառը:

-Իրոք պարզ գոլեր էին… սխալներ եղան:

-Ի՞նչն է պատճառը:

-Երկրորդ գոլի դրվագում ուշադրության պակաս եղավ:

-Ընդհանուր թիմային խաղը լավ էր ստացվում, բայց Արտակ Գրիգորյանից սկսած ընթացքը հիմնականում կտրվում էր: Գրիգորյանը չէր «հուշել», որ կարող է խնդիրներ լինել:

-Կուզենայի իր մոտ փոխանցման խոտանը քիչ լինի: Փորձում ենք կարճ փոխանցումներով դուրս գալ: Բայց Արտակ Գրիգորյանն ունի այլ պլյուսներ՝ օգնում է մրցակցի գրոհը կասեցնելիս:

-Ինչո՞ւ հավաքական չի հրավիրվել Սարկիսովը:

-Սարկիսովը լավ ֆուտբոլիստ է, բայց իր թիմում խաղում է եզրից: Մենք եզրից ունենք Բաբայանին, ով լավ խաղաց: Կենտրոնական հարձակվողի դիրքում ընտրել ենք Բալեկյանին, ով անցյալ խաղում լավ գործեց և Կարապետյանը, ում խաղը լավ չստացվեց: Ադամյանը նախորդ խաղին հիվանդությամբ է մասնակցել:

-Վերջապես խաղաժամանակ ստացավ Պետրոս Ավետիսյանը. ի՞նչ կասեք իր մասին:

-Նա իր խոսքը դեռ կասի: Ես հավատում եմ Պետրոսի ապագային:

-Բոսնիայի հավաքականի հետ խաղից հետո ասացիք, որ խաղից գոհ եք, բայց արդյունքից ոչ, իսկ այս անգա՞մ:

-Խաղի հատվածներից եմ գոհ, իսկ ընդհանուր՝ ոչ:

-Մրցակցին խորն էինք դիմավորում…:

-Առաջին 15 րոպեում չէինք թողնում գնդակով գործեին: Իսկ հետո, այո: Երկրորդ կեսում ակտիվ պրեսինգը որոշ չափով ստացվեց, բայց ամբողջ խաղում այդպես անհնար է:

-Հարոյան-Չալըշըր զույգը հիմնակա՞ն տարբերակն է:

-Ֆուտբոլում հիմնական տարբերակ, որպես այդպիսին, չի կարող լինել: Եթե ինչ-որ մեկը լավ չխաղա, այլ տարբերակ կընտրենք, ունենք Խաչատուրով, Իշխանյան…:

-Մխիթարյանի՝ հենակետայինում գործելն արդարացվա՞ծ էր:

-Ստիպողաբար էր դա, քանի որ Կառլեն Մկրտչյանը հիվանդացավ, վերջնական որոշումը կայացրել ենք 17:00-ին:

-Եզրերում Օզբիլիսն ու Բաբայանը ակտիվ էին, բայց փոխարինեցիք…:

-Փորձեցինք այլ ֆուտբոլիստներով ակտիվացնել: Կարծում եմ՝ Տիգրան Բարսեղյանն ակտիվացրեց:

-Նշել էիք, որ առաջնայինը ազգին ուրախացնելն է: Ի՞նչ ունեք երկրպագուներին ասելու:

-Ես կրկնում եմ՝ ազգին պետք է ուրախացնել լավ խաղով և արդյունքով…: Մեր հավաքականը երիտասարդացման կարիք ունի, 4-5 ֆուտբոլիստ նորամուտն են նշել: Կփորձենք կամաց-կամաց երիտասարդներին ընդգրկենք և լավ արդյունք ցույց տանք:

-Հակագրոհները դանդաղ էին ստացվում. ի՞նչն է պատճառը: Մրցակցի տուգանայինում էլ պայքար չտեսանք…:

-Մի քանի լավ հակագրոհներ եղան, որոնց վերջին փուլում փոխանցումը չստացվեց: Մրցակցի տուգանայինում չպետք է պայքարեինք, այլ անակնկալի բերեինք: Ափսոս, չստացվեց:

-Անկյունայինները դարպասապահն էր որսում, հրահանգ չկա՞ր խաղարկել:

-3 անկյունային է եղել, որոնցից մեկը խաղարկել ենք: Ճիշտ եք ասում, չպետք է բարձրից փոխանցումը դարպասային հրապարակում լիներ:

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022