ԵՎՐՈ-2020. Մեր խմբակիցները. Իտալիան «ոչնչացրեց» Լիխտենշտեյնին, հույները փրկվեցին ?

ԵՎՐՈ-2020. Մեր խմբակիցները. Իտալիան «ոչնչացրեց» Լիխտենշտեյնին, հույները փրկվեցին ?

27/03/2019 - 01:42

ԵՎՐՈ-2020-ի որակավորման փուլի շրջանակում կայացան մի շարք հանդիպումներ:

J խմբում, որտեղ ընդգրկված է Հայաստանի հավաքականը, կայացել են մյուս երկու հանդիպումները: Խմբի բացահայտ ֆավորիտ Իտալիայի հավաքականը սեփական հարկի տակ 6:0 հաշվով հաղթել է Լիխտենշտեյնի ընտրանուն. դուբլ է ձևակերպել Կվալյարելան, մեկական անգամ աչքի են ընկել Սենսին, Վերատին, Կինը և Պավոլետին:


Խմբի մյուս խաղում Բոսնիայի հավաքականը հյուրընկալել էր Հունաստանի ընտրանուն. հանդիպումն ավարտվեց ոչ-ոքի՝ 2:2: Վիսչայի և Պյանիչի գոլերի շնորհիվ տանտերերը առջևում էին հաշվի մեջ: Այնուհետև Ֆորտունիսը 11 մետրանոցից դիպուկ հարվածով կրճատել է հաշվի տարբերությունը: Հաջորդ իսկ րոպեին Պյանիչը կարմիր քարտ է ստացել: Հույներն օգտագործել են թվային առավելությունը՝ հիմնական ժամանակի ավարտից 5 րոպե առաջ խփելով 2-րդ պատասխան գոլը:

Այս տուրից հետո Իտալիան 6 միավորով գլխավորում է խումբը, Հունաստանն ու Բոսնիա և Հերցեգովինան ունեն 4-ական միավոր, Ֆինլանդիան 3 միավոր ունի, իսկ Հայաստանն ու Լիխտենշտեյնը դեռ միավոր չեն վաստակել:

D խմբում Շվեյցարիան 3:2 հաշվով հաղթել է Դանիային, իսկ Իռլանդիան նվազագույն հաշվով առավելության է հասել Վրաստանի նկատմամբ:

F խմբում Իսպանիան 2 անպատասխան գնդակ է ուղարկել Մալթայի դարպասը. դուբլ է ձևակերպել Մորատան:


Մյուս խաղերում Շվեդիան և Նորվեգիան գոլառատ ոչ-ոքի են խաղացել՝ 3:3, իսկ Ռումինիան 4:1 հաշվով առավելության է հասել Ֆարերյան կղզիների ազգային թիմի նկատմամբ:

#

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022