Ռոնալդուն կարևոր հայտարարություն է արել իր ապագայի վերաբերյալ

Կրիշտիանու Ռոնալդուն Սաուդյան Արաբիայի Պրեմիեր լիգայի մամուլի ծառայությանը տված հարցազրույցի ժամանակ հայտարարել է, որ չի պատրաստվում հեռանալ «Ալ Նասրից».

«Կարծում եմ, որ առջանությունը շատ լավն է և մրցունակ, բավական լավ թիմեր և արաբ ֆուտբոլիստներ ունի, բայց դեռ աճելու շատ տեղ կա։

Ենթակառուցվածքները, կարծում եմ, մի փոքր բարելավման կարիք ունեն։ Անգամ մրցավարներն ու VAR համակարգ… Նրանք պետք է մի քիչ արագ գործեն։ Սրանք մի քանի մանրուքներ են, որոնք շտկման կարիք ունեն։

Սակայն, ես երջանիկ եմ այստեղ և չեմ պատրատսվում հեռանալ։ Ըստ իս` եթե առաջիկա 5 տարիներին իրականացվեն նախատեսված ծրագրերը, Սաուդյան Արաբիայի Պրեմիեր լիգան կարող է դառնալ աշխարհի թոփ-5 առաջնություններից մեկը»,- նշել է Ռոնալդուն։

Հիշեցնենք, որ 38-ամյա ֆուտբոլիստն «Ալ Նասրի» կազմում հանդես է գալիս 2023 թ. հունվարից` անցկացրած 19 խաղում դառնալով 14 գոլի և 2 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am