Բարսեղյանը 90+1-րդ րոպեին հերոսացավ` հաղթանակ պարգևելով Սլովանին🎥

Սլովակիայի Ֆորտունա լիգայի 7-րդ տուրում «Սլովան Բրատիսլավան» հյուրընկալվելիս մրցեց «Ռուժոմբերոկի» դեմ։

Հյուրերի համար բավական ծանր հանդիպում ստացվեց, ովքեր միայն 90+1-րդ րոպեին կարողացան հաղթանակ կորզել։

«Սլովանի» կազմից հերոսացավ Տիգրան Բարսեղյանը, ով գլխի դիպուկ հարվածով գրավեց մրցակցի դարպասն ու 1:0 հաշվով հաղթանակ պարգևեց մայրաքաղաքային ակումբին։

Նշենք, որ 28-ամյա ֆուտբոլիստը Ֆորտունա լիգայի ընթացիկ խաղարկությունում անցկացրած 6 խաղում դարձել է 2 գոլի և 1 գոլային փոխանցման հեղինակ։

Այս հացթանակից հետո «Սլովանը» վաստակեց 18 միավոր և գլխավորում է մրցաշարային աղյուսակը։

«Ռուժեմբերոկը», 10 միավորով, 7-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am