Սամուել Էտո’Օ-ն հայտարարել է ֆուտբոլիստի կարիերան ավարտելու մասին

Հանրահայտ կամերունցի հարձակվող Սամուել Էտո’Օ-ն հայտարարել է ֆուտբոլիստի կարիերան ավարտելու մասին:

Վերջին ակումբը, որտեղ հանդես էր գալիս 38-ամյա հարձակվողը, «Քաթարն» էր:

Իր կարիերայում  Էտո’Օ-ն հանդես է եկել այնպիսի ակումբներում, ինչպիսիք են՝ «Ռեալը», «Մալյորկան», «Բարսելոնան»,«Ինտերը», «Անժին», «Չելսին»:

Նա 3 անգամ հաղթել է Չեմպիոնների լիգան, 3 անգամ՝ Իսպանիայի առաջնությունը և 1 անգամ՝ Իտալիայի առաջնությունը:

Էտո’Օ-ն 1996-2014 թվականներին հանդես է եկել Կամերունի հավաքականի կազմում: Վերջինս հավաքականի կազմում անցկացրել է 118 հանդիպում և խփել 56 գոլ՝ այդպիսով դառնալով ընտրանու պատմության լավագույն ռմբարկուն:

Կամերունի հավաքականի կազմում 38-ամյա հարձակվողը 2 անգամ հաղթել է Աֆրիկայի գավաթը և 4 անգամ ճանաչվել է Աֆրիկայի տարվա լավագույն ֆուտբոլիստ:

«Սա վերջն էր: Առջևում նոր մարտահրավեր է: Շատ շնորհակալ եմ բոլորիցդ:»,- գրել է Էտո’Օ-ն Instagram-ում: