ESPN. Պերեսը Զիդանին ասել է, որ Պոգբային ձեռք բերելը շատ դժվար կլինի
18/07/2019 - 17:35
«Մանչեսթեր Յունայթեդի» կիսապաշտպան Պոլ Պոգբայի տրանսֆերը «Ռեալ» կարող է չկայանալ:
Ինչպես հայտնում է ESPN-ը, մադրիդյան ակումբի նախագահ Ֆլորենտինո Պերեսը թիմի գլխավոր մարզիչ Զինեդին Զիդանին ասել է, որ 26-ամյա ֆրանսիացի կիսապաշտպանին այս ամռանը ձեռք բերելը շատ դժվար կլինի:
Չորեքշաբթի երեկոյան Մոնրեալում գտնվող «Ռեալի» բազայում կայացած խորհրդի նիստի ժամանակ Զիդանը խնդրել է Պերեսին և ակումբի գլխավոր տնօրեն Խոսե Անխել Սանչեսին ևս մեկ անգամ փորձել իրականացնել Պոգբայի տրանսֆերը:
Մարզչին պատասխանել են, որ նոր խաղացողների վրա 300 մլն եվրոյից ավել ծախսված գումարի պատճառով ներկա պահին մեծ գործարք իրականացնելն անհնար է:
«Ռեալի» ֆինանսական վիճակը կարող էր բարելավվել Գարեթ Բեյլին վաճառելու դեպքում: Սակայն ուելսցին մտադիր է մնալ: