Յուվեն պայմանագիր է համաձայնեցրել Սասուոլոյի առաջատարներից մեկի հետ

«Սասուոլոյի» կիսապաշտպան Մանուել Լոկատելին կարիերան, ամենայն հավանականությամբ, կշարունակի «Յուվենտուսի» կազմում։

Ինչպես տեղեկացնում է իտալացի ինսայդեր Նիկոլո Սկիրան, «բյանկոներիները» անձնական պայմանագիր են համաձայնեցրել 23-ամյա ֆուտբոլիստի հետ։

Աղբյուրի փոխանցմամբ` կողմերի միջև պայմանագրը կնքվելու է մինչև 2026 թ. հունիսի 30-ը։

Հաղորդվում է, որ Լոկատելին նոր ակումբում տարեկան կվաստակի 3 մլն եվրո աշխատավարձ։

Նշվում է, որ այժմ թուրինյան ակումբը խաղացողի տրանաֆերի հարցում բանակցում է «Սասուոլոյի» հետ։ Վերջինս իր ֆուտբոլիստի դիմաց ցանկանում է վաստակել նվազագույնը 40 մլն եվրո, սակայն «ծեր սենյորան» փորձում է սակարկել։

Հիշեցնենք, որ Լոկատելին 2018 թվականից հանդես է գալիս «Սասուոլոյի» կազմում, որի մարզաշապիկով մինչև այս պահն անցկացրել է 99 հանդիպում` դառնալով 7 գոլի 11 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am