Բարսելոնան պաշտպանների գոլերի շնորհիվ հաղթեց Ռեալ Սոսիեդադին ?

Իսպանիայի առաջնության 33-րդ տուրում «Բարսելոնան» հյուրընկալել էր «Ռեալ Սոսիեդադին»: Տանտերերը հաղթեցին 2:1 հաշվով:

Առաջին խաղակեսի վերջին րոպեին անկյունայինից փոխանցումից հետո Կլեման Լենգլեն բացել է հաշիվը՝ խփելով իր առաջին գոլը կատալոնական թիմի կազմում: 62-րդ րոպեին Խուանմին հավասարեցրել է հաշիվը: Ընդամենը 2 րոպե անց Մեսսիի փոխանցումից հետո Ալբան խփել է հաղթական գոլը:

«Բարսան» այս հաղթանակից հետո 77 միավորով է գլխավորում մրցաշարային աղյուսակը՝ 2-րդ տեղում գտնվող «Աթլետիկոյից» առաջ լինելով 9 միավոր: