Ռոնալդուն չի կարողանում վերադառնալ Թուրին

«Յուվենտուսի» հարձակվող Կրիշտիանու Ռոնալդուն չի կարողանում հարազատ Մադեյրա կղզուց վերադառնալ Թուրին և միանալ ակումբին։

Ինչպես տեղեկացնում է Football Italia-ն, 35-ամյա ֆուտբոլիստի մասնավոր ինքնաթիռը գտնվում է Մադրիդում։ Տեղի քաղաքային իշխանությունները երկու անգամ մերժել են թռիչքներ իրականացնող օդաչուներին՝ թույլ չտալով, որ մեկնեն Մադեյրա, իսկ այնտեղից էլ Թուրին։ Այդ ամենը կապված է Իսպանիայի կառավարության օդային ուղևորափոխադրումների վրա դրված սահմանափակումների հետ։

Նշվում է, որ «Յուվենտուսը» քիչ-քիչ սկսել է մտածել մրցաշրջանի վերսկսման մասին և խնդրել է բոլոր լեգեոներներին, ովքեր իրենց կարանտինն անցկացնում են Իտալիայից դուրս, վերադառնան և միանան ակումբին, որպեսզի մարզումներ անցկացնեն։