«Ռեալի» ֆուտբոլիստը 8 ասմով զրկվել է վարորդական իրավունքից

Մադրիդի «Ռեալի» պաշտպան Ռաուլ Ասենսիոն 8 ամսով զրկվել է վարորդական իրավունքից, հայտնում է Marca-ն։

Իսպանացի ֆուտբոլիստն օգոստոսի 16-ին Գրան Կանարիայում ոչ սթափ վիճակում վարել է իր «Porsche» մակնիշի մեքենան։

Ոստիկանները հերթական ստուգման նպատակով կանգնացրել են Ասենսիոյի մեքենան։ Պարզվել է, որ 23-ամյա ֆուտբոլիստի արյան մեջ ալկոհոլի թույլատրված չափաբաժինը չորս անգամ ավելի է եղել։

Օգոստոսի 19-ին կայացած դատական նիստում Ասենսիոն մեղավոր է ճանաչվել ճանապարհային երթևեկության անվտանգության կանոնների խախտման համար։

Ֆուտբոլիստը 8 ամսով զրկվել է վարորդական իրավունքից։ Նա նաև տուգանվել է 14.400 եվրոյով։

Ասենսիոն նոր մրցաշրջանում վնասվածքի պատճառով բաց է թողել «Ռեալի» բոլոր երեք խաղերը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml