Ռոդրին շատ մոտ է ակումբային գրանցումը փոխելուն

«Մանչեսթեր Սիթիի» կիսապաշտպան Ռոդրին մոտ է կարիերան Մադրիդի «Ռեալում» շարունակելուն, հայտնում է ինսայդեր Նիկոլո Սկիրան։

Կողմերի բանակցությունները վերջին փուլում են։ Գործարքը, մեծ հավանականությամբ, կարժենա 60 միլիոն եվրո։

«Ոսկե գնդակի» 2024թ. դափնեկիրն «Արքայական ակումբ» տեղափոխվելու դեպքում պայմանագիր կստորագրի, որը կգործի մինչև 2030թ. հուլիսի 1-ը։

30-ամյա ֆուտբոլիստը մերժել է «Մանչեսթեր Սիթիի»` նոր համաձայնագիր կնքելու առաջարկը և ուզում է հեռանալ ակումբից։

Իսպանացի կիսապաշտպանը մանկունիական գրանդում հանդես է գալիս 2019թ. հուլիսից, 298 խաղում գրանցել է 28 գոլ ու 32 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml