Here we go! «Բավարիան» ձեռք կբերի Բրազիլիայի դարպասը գրաված ֆուտբոլիստին 🎥/📸

«Բավարիան» ձեռք կբերի ՊՍՎ-ի կիսապաշտպան Իսյամյել Սայբարիին, հաստատում է ինսայդեր Ֆաբրիցիո Ռոմանոն։

Ակումբները մարոկկացի ֆուտբոլիստի տեղափոխության հարցում ամբողջական համաձայնության են հասել։ Մյունխենյան գրանդը Սայբարիի տեղափոխության համար կվճարի 55 միլիոն եվրո։

Transfermarkt-ի տվյալներով` գործարքը կդառնա Նիդերլանդների 27-ակի չեմպիոնի պատմության մեջ տրանսֆերի ամենաթանկարժեք վաճառքն ու կգերազանցի Իրվինգ Լոսանոյի ռեկորդը։

«Նապոլին» 2019թ. ամռանը մեքսիկացի վինգերի տեղափոխության համար Էյնդհովենը ներկայացնող ակումբին վճարել էր 50 միլիոն եվրո։

Սայբարին ՊՍՎ-ում հանդես էր գալիս 2020թ. հուլիսից, 142 խաղում խփել է 42 գոլ, կատարել 29 ասիստ։ Նա ճանաչվել է Նիդերլանդների Էրեդիվիզիայի 2025/26 մրցաշրջանի լավագույն ֆուտբոլիստ։

25-ամյա կիսապաշտպանն այժմ Մարոկկոյի ազգային հավաքականի կազմում մասնակցում է ԱԱ-2026-ին և հունիսի 14-ին գրավել է Բրազիլիայի թիմի դարպասը` օգնելով «Ատլասե առյուծներին» ոչ-ոքի (1:1) գրանցել «Պենտակամպիոնների» հետ։

Կարդացե՛ք նաև

• Here we go! Ամորիմը կգլխավորի իտալական գրանդը
• ԱԱ-2026. Բրազիլիան ու Մարոկկոն համառ պայքարում չպարզեցին հաղթողին
• Պաշտոնական. Մարկ Կուկուրելիան` «Ռեալի» ֆուտբոլիստ
• «Լեգիան» տրանսֆերային արժեք է սահմանել Բիչախչյանի համար
• «Արսենալը» կփորձի ձեռք բերել Ֆրանսիայի հավաքականի ֆուտբոլիստին
• ՊՍԺ-ն պատրաստ է ձեռք բերել «Բարսելոնայի» ֆուտբոլիստին
• «Բավարիայի» ղեկավարներն Օլիսեին «անգին» են համարում
• «Բավարիան» մոտ է 65 միլիոնով Գերմանիայի հավաքականի ֆուտբոլիստին ձեռք բերելուն

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml