Նեյմարը հերթական վնասվածքն է ստացել` տևական ժամանակով շարքից դուրս մնալով

«Սանթոսի» կիսապաշտպան Նեյմարը երկրորդ աստիճանի մկանային վնասվածք է ստացել, հայտնում է ESPN Brasil-ը։

Նախապես հայտարարվել էր, որ 34-ամյա խաղացողը խաղադաշտից կբացակայի 5-10 օր, բայց լրացուցիչ բուժզննումից հետո պարզ է դարձել, որ նրա ապաքինման համար անհրաժեշտ է 2-3 շաբաթ։

Աստղային ֆուտբոլիստը, միանշանակ, բաց կթողնի Բրազիլիայի ազգային հավաքականի` Պանամայի ու Եգիպտոսի թիմերի հետ ընկերական հանդիպումները։

Հունիսի 14-ին կայանալիք Մարոկկոյի հավաքականի դեմ աշխարհի 2026թ. առաջնության C խմբի առաջին տուրի հանդիպմանը Նեյմարի մասնակցությունը հարցականի տակ է։

Նեյմարն ընդգրկվել է Բրազիլիայի հավաքականի` ԱԱ-2026-ի հայտացուցակում` ազգային թիմից հրավեր ստանալով գրեթե 3 տարի անց։ Նա 79 գոլով «Պենտակամպիոնների» պատմության մեջ լավագույն ռմբարկուն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml