Պաշտոնական. Արգենտինայի հավաքականի ֆուտբոլիստը տեղափոխվեց Բետիս

Ինչպես տեղեկացնում է իսպանական «Բետիսի» պաշտոնական կայքը, անդալուսական ակումբը պայմանագիր է կնքել մեքսիկական «Ամերիկայի» 25-ամյա հենակետային կիսապաշտպան Գվիդո Ռոդրիգեսի հետ։

Ըստ transfermarkt-ի` խաղացողի դիմաց իսպանական ակումը վճարել է 9 մլն եվրո, իսկ պայմանագիրը նախատեսված է մինչև 2024 թվականը։

Ռոդրիգեսը Մեքսիկայի ավարտված առաջնությունում ընդհանուր առմամբ մասնակցել էր 22 հանդիպման` դառնալով 3 գոլի հեղինակ։

Նշենք, որ 25-ամյա խաղացողը համարվում է Արգենտինայի հավաքականի անդամ, որի կազմում մասնակցել է 9 հանդիպման։ 2019 թվականի ամռանը «ալբիսելեստեի» կազմում մասնակցել է Կոպա Ամերիկային։