ՉԼ հանդիպման լավագույն ֆուտբոլիստ ճանաչված առաջին ղազախ ֆուտբոլիստը 📸
Չեմպիոնների լիգայի Լիգայի փուլի 6-րդ տուրում «Կայրաթը» սեփական դաշտում 0:1 հաշվով պարտվել է Հունաստանի չեմպիոն «Օլիմպիակոսին»։
Չնայած պարտությանը` հանդիպման լավագույն ֆուտբոլիստ է ճանաչվել Ղազախստանի չեմպիոնի դարպասապահ Տեմիրլան Անարբեկովը, որը 8 սեյվ կատարեց` «Կայրաթին» մի շարք դրվագներում փրկելով վերահաս գոլից ու ավելի խոշոր հաշվով պարտությունից։
22-ամյա Անարբեկովը դարձել է առաջին ղազախ ֆուտբոլիստը, որը ճանաչվել է Չեմպիոնների լիգայի հանդիպման ֆուտբոլսիտ։
Լիգայի փուլի 5-րդ տուրում «Կայրաթի» 17-ամյա հարձակվող Դաստան Սատպաևն էլ, գրավելով Դանիայի չեմպիոն «Կոպենհագենի» դարպասը, դարձել էր Չեմպիոնների լիգայի հիմնական փուլում գոլ խփած առաջին ղազախ ֆուտբոլիստը։
Ռաֆայել Ուրուզբախտինի գլխավորած թիմը Լիգայի փուլում 1 միավոր է վաստակել ու նախավերջին` 35-րդ տեղում է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Կայրաթ, Չեմպիոնների-լիգա, Տեմիրլան Անարբեկով