Դիաշ. «Հայաստանը որակյալ թիմ ունի»

Պորտուգալիայի ազգային հավաքականի պաշտպան Ռուբեն Դիաշը Հայաստանի թիմի դեմ աշխարհի 2026թ. առաջնության եվրոպական ընտրական մրցաշարի առաջին տուրի հանդիպումից առաջ պատասխանել է ԶԼՄ-ների ներկայացուցիչների հարցերին.

«Ուսումնասիրել ենք Հայաստանի հավաքականին։ Կարող եմ ասել` Հայաստանը որակյալ թիմ ունի։ Մրցակիցն ամուր պաշտպանություն ունի, կարողանում է նաև վտանգավոր հակագրոհել։

Հայաստանի հավաքականում խաղում են ֆուտբոլիստներ, որոնք անհատական փայլուն որակներ ունեն։

Ժոտայի վերաբերյալ յուրաքանչյուր հարգանքի տուրք ինձ փշաքաղեցնում է։ Հաճելի տեսնել, որ ամբողջ աշխարհում նման վերաբերմունք կա»,- ասել է «Մանչեսթեր Սիթիի» ֆուտբոլիստը։

Հայաստան – Պորտուգալիա հանդիպումը կկայանա սեպտեմբերի 6-ին` ժամ 20:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am