🇰🇷Հարավային Կորեան հաղթեց Սիրիային` նվաճելով ԱԱ ուղեգիր🎥
Աշխարհի 2022 թ. առաջնության Ասիայի գոտու որակավորման փուլի 8-րդ տուրում Հարավային Կորեայի հավաքականը A խմբի շրջանակում հյուրընկալվելիս մրցեց Սիրիայի ընտրանու դեմ։
Հարավկորեացիները հանդիպման մեծ մասում ունեին տարածքային ու խաղային առավելություն, ինչն էլ նպաստեց, որ Պաուլու Բենտուի սաները հաղթեն 2:0 հաշվով. նախ 53-րդ րոպեին աչքի ընկավ Ջին Սու Կիմը, ապա 71-րդ րոպեին` Կվոն Չան Հունը։
A խմբի շրջանակում կայացել են նաև հետևյալ հանդիպումները.
Իրան 1:0 ԱՄԷ
Լիբանան 1:1 Իրաք
Խումբն այժմ ունի հետևյալ տեսքը.
- Իրան – 22 միավոր
- Հարավային Կորեա – 20 միավոր
- ԱՄէ – 9 միավոր
- Լիբանան – 6 միավոր
- Իրաք – 5 միավոր
- Սիրիա – 2 միավոր
Այսպիսով, Հարավային Կորեան որակավորման փուլի ավարտից 2 տուր առաջ նվաճեց աշխարհի առաջնության խմբային փուլի ուղեգիր` դառնալով արդեն 15-րդ հավաքականը, որը միանշանակ հանդես է գալու Քաթար-2022-ի շրջանակում։
Մրցաշարի ուղեգիր են նվաճել նաև Գերմանիայի, Դանիայի, Ֆրանսիայի, Բելգիայի,Խորվաթիայի, Իսպանիայի, Սերբիայի, Անգլիայի, Շվեյցարիայի, Հոլանդիայի, Արգենտինայի, Բրազիլիայի, Իրանի ու Քաթարի հավաքականները։
Հավելենք, որ Հարավային Կորեայի հավաքականն 10-րդ անգամ անընդմեջ նվաճեց աշխարհի առաջնության ուղեգիր։
Նշենք, որ Ասիայի գոտու որակավորման փուլի B խմբում կայացել են հետևյալ հանդիպումները.
Ճապոնիա 2:0 Սաուդյան Արաբիա
Վիետնամ 3:1 Չինաստան
Օման 2:2 Ավստրալիա
Խումբը 8-րդ տուրից հետո ստացավ հետևյալ տեսքը.
- Սաուդյան Արաբիա – 19 միավոր
- Ճապոնիա – 18 միավոր
- Ավստրալիա – 15 միավոր
- Օման – 8 միավոր
- Չինաստան – 5 միավոր
- Վիետնամ – 3 միավոր
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am