Ֆիորենտինան ֆանտաստիկ էր` ջախջախելով Ջենոային🎥

Իտալական Ա սերիայի 22-րդ տուրի վերջին խաղում «Ֆիորենտինան» «Արտեմիո Ֆրանկի» մարզադաշտում մրցեց հետնապահների թվում ընթացող «Ջենոայի» դեմ։

Ֆլորենցիան ներկայացնող ակումբը պարզապես հիանալի հանդիպում անցկացրեց և մրցակցին ջախջախեց 6:0 հաշվով։

«Մանուշակների» կազմից դուբլի հեղինակ դարձավ Քրիստիանո Բիրագին, մեկական անգամ էլ աչքի ընկան Ալվարո Օդրիոսոլան, Ջակոմո Բոնավենտուրան, Դուշան Վլահովիչն ու Լուկաս Տորեյրան։

Հավելենք, ոչ Վլահովիչն Ա սերիայի ընթացիկ մրցաշրջանում խփեց իր 17-րդ գոլն ու հավասարվեց առաջնության լավագույն ռմբարկու Չիրո Իմոբիլեին («Լացիո»)։

Վինչենցո Իտալիանոյի թիմն այս հաղթանակից հետո վաստակեց 35 միավոր և բարձրացավ 6-րդ հորիզոնական։

«Ջենոան», որն Ա սերիայի շրջանակում հաղթանակ չի տոնել արդեն 19 անընդմեջ խաղում, մնաց 12 միավորով և զբաղեցնում է նախավերջին` 19-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am