Ֆանտաստիկ Բենֆիկա! «Արծիվները» քարը քարի վրա չթողեցին Բրյուգեին🎥

Չեմպիոնների լիգայի 1/8 եզրափակիչի պատասխան խաղում «Բենֆիկան» Լիսաբոնի «Դա Լուժ» մարզադաշտում մրցեց «Բրյուգեի» դեմ։

Դիմակայության առաջին խաղում «Բենֆիկան» հաղթել էր 2:0 հաշվով։

Պատասխան խաղում «արծիվներն» ունեին արդեն տոտալ առավելություն` մրցակցին ջախջախելով 5:1 հաշվով։

Ռոջեր Շմիդտի թիմի կազմից դուբլի հեղինակ դարձավ Գոնսալու Ռամուշը, մեկական անգամ էլ աչքի ընկան Ռաֆա Սիլվան, Ժոաու Մարիուն և Դավիդ Ներեսը։

Հյուրերի միակ գոլը խփեց Բյորն Մեյերը։

Այսպիսով, «Բենֆիկան» ընդհանուր դիմակայությունում հաղթեց 7:1 հաշվով և դուրս եկավ Չեմպիոնների լիգայի 1/4 եզրափակիչ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am