Օզիլ․ «Կարևոր է՝  աշխարհն իմանա, որ Լեռնային Ղարաբաղն օկուպացված տարածք է»

Օզիլ․ «Կարևոր է՝ աշխարհն իմանա, որ Լեռնային Ղարաբաղն օկուպացված տարածք է»

14/10/2020 - 00:20

«Արսենալի» և Գերմանիայի հավաքականի ֆուտբոլիստ Մեզութ Օզիլը Twitter-ի իր պաշտոնական օգտահաշվում գրառում է կատարել՝ անդրադառնալով արցախա-ադրբեջանական հատվածում տիրող իրավիճակին․

«Ինձ համար կարևոր է, որ ամբողջ աշխարհում իմանան այն փաստը, որ Լեռնային Ղարաբաղի շրջանը իրավականորեն և միջազգայնորեն ճանաչված է որպես Ադրբեջանի մաս, սակայն այն ներկա պահին անօրինական կերպով օկուպացված է։

2008 թվականի մարտին ՄԱԿ-ի Գլխավոր ասամբլեան ընդունել է բանաձև, որը հաստատում էր Ադրբեջանի տարծքային ամբողջականությունը՝ պահանջելով, որպեսզի հայկական զինված ուժերը դուրս գան Լեռնային Ղարաբաղի տարածքից, այդ պատճառով էլ ես հորդորում եմ հետևել և ընդունել ՄԱԿ-ի Գլխավոր ասմաբլեայի կայացրած որոշումը։

Ես կիսում եմ շատերի կարծիքը՝ այդ թվում նաև ՄԱԿ-ի, որը լրջորեն անհանգստացած է այն հարցում, որ Լեռնային Ղարաբաղի շուրջ զինված բախումը շարունակում է սպառնալ միջազգային հանրության անվտանգությունը։

Եկեք հասնենք խաղաության և աշխատենք արդար ու առանց բռնության ապագա ունենալու համար։ Երկու կողմերի զոհերն էլ լուրջ կորուստ են բոլորի համար»,- գրել է Մեզութ Օզիլը։

Քրդական ծագմամբ գերմանացի ֆուտբոլիստը իր գրառմանը զուգահեռ մեջբերել է նաև Մուսթաֆա Քեմալ Աթաթուրքի հետևյալ խոսքերը․

«Ադրբեջանի խնդիրը մեր դժբախտությունն է, ուրախությունը՝ մեր ուախությունը։ Մեկ ազգ, երկու պետություն»։

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023