Տոտենհեմի անկումը շարունակվում է` պարտվելով նաև Վեսթ Հեմին 🎥

Անգլիական Պրեմիեր լիգայի 15-րդ տուրի վերջին խաղում «Վեսթ Հեմը» հյուրընկալվելիս մրցեց «Տոտենհեմի» դեմ։

«Խթանների» համար հանդիպումը բավական լավ սկսվեց, քանի որ արդեն 11-րդ րոպեին Քրիստիան Ռոմերոն բացեց հաշիվը։

Այդուհանդերձ, երկրորդ խաղակեսում «մրճահարները» կարողացան բեկել հանդիպման ընթացքն ու 2:1 հաշվով կամային հաղթանակ տոնեցին։

Դևիդ Մոյեսի թիմի գոլերը խփեցին Ջարեդ Բոուենն ու Ջեյմս Վորդ-Պրոուզը։

Այս հաղթանակից հետո «Վեսթ Հեմը» վաստակեց 24 միավոր և զբաղեղնում է 9-րդ հորիզոնականը։

«Տոտենհեմը», 27 միավորով, 5-րդն է։

Ավելացնենք, որ Անգե Պոստեկօղլուի թիմը Պրեմիեր լիգայի շրջանակում արդեն 5-րդ խաղում անընդմեջ չի կարողանում հաղթանակ տոնել` այդ ընթացքում կրելով 4 պարտություն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am