Վիլյառեալը շոկի ենթարկեց Բարսելոնային` հյուրընկալվելիս հաղթելով «բլաուգրանային»🎥

Իսպանական Լա լիգայի վերջին` 38-րդ «Վիլյառեալը» հյուրընկալվելիս մրցեց «Բարսելոնայի» դեմ։

Ինչպես և սպասվում էր, հանդիպման մեծ մասն անցավ կատալոնական ակումբի տարածքային առավելության պայմաններում, սակայն, պետք է նշենք, որ «բլաուգրանայի» խաղը շատ անատամ էր և գործնականում չէր պարունակում սրություն։

«Դեղին սուզանավն» էլ ողջ հանդիպման ընթացքում ունեցավ ընդամենը երկու գոլային պահ, որոնք վերածեց դարպասի գրավման` հաղթելով 2:0 հաշվով։

Ունայի Էմերիի թիմի կազմից մեկական անգամ աչքի ընկան Ալֆոնսո Պեդրասան ու Մոյ Գոմեսը։

Այս հաղթանակից հետո «Վիլյառեալը» վաստակեց 59 միավոր ու առաջնությունն ավարտեց միայն 7-րդ հորիզոնականում` նվաճելով Կոնֆերենցիաների լիգայի հաջորդ խաղարկության որակավորման փլեյ-օֆֆ փուլի ուղեգիր։

«Բարսելոնան» էլ, 73 միավորով, զբաղեցրեց 2-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am