Սպարտակ – Լայցպիգ հանդիպումը, հնարավոր է, կայանա Երևանում

Եվրոպա լիգայի 1/8 եզրափակիչի «Սպարտակ Մոսկվա» – «Լայպցիգ» դիմակայության պատասխան հանդիպումը, հնարավոր է, անցկացվի Երևանում։

Ինչպես տեղեկացնում է ռուս ինսայդեր Իվան Կարպովը, «Սպարտակի» նախկին բաժնետեր Ջևան Չելոյանցը դիմել է մոսկովյան ակումբի ղեկավարությանը` առաջարկելով հանդիպումն անցկացնել Երևանում։

Նշվում է` «Սպարտակը» նույնպես չի բացառել, որ այդ հանդիպումը կանցակացվի Երևանում։

Հավելենք, որ «Սպարտակ» – «Լայպցիգ» դիմակայության պատասխան հանդիպումը կկայանա մարտի 17-ին։

Նշենք, որ ռուս-ուկրաինական պատերազմի հետևանքով եվրոպական գրեթե բոլոր երկրները փակել են իրենց օդային սահմանը Ռուսաստանի հետ և չեն իրականացնում չվերթներ դեպի այդ երկիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am