Սերժի Ռոբերտոն հերոսանում է. Բարսելոնան մեծ դժվարությամբ հաղթեց Ալմերիային 🎥

Իսպանական Լա լիգայի 18-րդ տուրում «Բարսելոնան» սեփական հարկի տակ մրցեց «Ալմերիայի» դեմ։

Չնայած հանդիպման մեծ մասում «բլաուգրանան» ուներ խաղային և տարածքային լուրջ առավելություն, միևնույն է, մրցակցին հաղթեց միայն մեկ գնդակի տարբերությամբ. գրանցվեց 3:2 հաշիվը։

Խավիի թիմից հերոսացավ Սերժի Ռոբերտոն` դառնալով դուբլի հեղինակ, մեկ գոլ էլ խփեց Ռաֆինիան։

«Ալմերիայի» կազմից էլ աչքի ընկան Լեո Բապտիստաոն ու Էդգար Գոնսալեսը։

Այս հաղթանակից հետո «Բարսելոնան» վաստակեց 38 միավոր` բարձրանալով 3-րդ հորիզոնական։

«Ալմերիան», 5 միավորով, վերջինն է` 20-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am