Սամուել Էտոն հարվածել է իրեն նկարահանող երկրպագուին 🎥

Սամուել Էտոն հարվածել է իրեն նկարահանող երկրպագուին 🎥

06/12/2022 - 14:55

«Բարսելոնայի», «Ինտերի» և մի շարք այլ անվանի ակումբների նախկին հարձակվող Սամուել Էտոն, ով այժմ Կամերունի ֆուտբոլի ֆեդերացիայի նախագահն է, հայտնվել սկանդալի եզրին։

41-ամյա մասնագետը ներկա եղել ԱԱ-2022-ի 1/8 եզրափակիչի շրջանակում կայացած Բրազիլիա – Հարավային Կորեա (4:1) հանդիպմանը, որի ավարտից հետո, երբ լքելիս է եղել Դոհայի «974» մարզադաշտը, կոնֆլիկտի է բռնվել իրեն շրջապատած երկրպագուներից մեկի հետ։

Բանն այն է, որ նրանցից մեկը հանել է տեսախցիկն ու սկսել նկարահանել Էտոյին, ինչը դուր չի եկել վերջինիս։

Էտոյին շրջապատող անձանցինձ մեկը, ով հավանաբար նրա անվտանգության աշխատակիցներից է, խլել է տվյալ տղամարդուց տեսախցիկը։

Ինքն` Էտոն, չի սահմանափակվել դրանով և հարձակվել է այդ երկրպագուի վրա, ոտքով հարվածել նրան ու ինչ-որ բան պահանջել նրանից։

Նշենք, որ այդ դրվագը ֆիքսել է La Opinion պարբերականի տեսախցիկը, որն էլ հրապարակվել է համացանցում, ինչից հետո տեսանյութը բուռն արձագանք է ստացել։

Հավելենք, որ Սամուել Էտոն, բացի Կամերունի ֆուտբոլի ֆեդերացիայի նախագահ լինելուց, նաև ՖԻՖԱ-ի դեսպան է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023