Ռանոսը որոշում է կայացրել իր ապագայի հարցում

«Բավարիա II»-ի կենտրոնական հարձակվող Հրանտ-Լեոն Ռանոսն, ամենայն հավանականությամբ, ընթացիկ մրցաշրջանի ավարտից հետո կփոխի ակումբային գրանցումը։

Ինչպես հայտնում է Bayern&Germany-ն, 19-ամյա ֆուտբոլիստը չի ցանկանում երկարաձգել պայմանագիրը մյունխենյան ակումբի հետ, որն ավարտվում է 2023 թ. հունիսի 30-ին։

«Բավարիան», ընդհակառակը, ցանկանում է, հայազգի հարձակվողին պահել թիմում, սակայն դեռևս պատրաստ չէ նրան տեղափոխել առաջին թիմ։

Ռանոսը չի ցանկանում մնալ Գերմանիայի նշանակությամբ 4-րդ դիվիզիոնում` Ռեգիոնալ լիգայում, և մտադիր է քայլ առաջ կատարել ու հանդես գալ ավելի բարձր մակարդակում։

Հիշեցնենք, որ Հրանտ-Լեոն Ռանոսը 2018 թվականից հանդես է գալիս «Բավարիայի» համակարգում, իսկ ընթացիկ մրցաշրջանից առաջ տեղափոխվել է մյունխենյան ակումբի երիտասարդական թիմ, որի կազմում Ռեգիոնալ լիգայի ընթացիկ խաղարկությունում անցկացրած 28 խաղում դարձել է 19 գոլի և 8 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am