Պորտուգալիայի հավաքականի հայտացուցակն առաջիկա խաղերի համար

Պորտուգալիայի ֆուտբոլի ֆեդերացիայի պաշտոնական կայքը հրապարակել է այն ֆուտբոլիստների ցանկը, ովքեր հրավիրվել են՝ մասնակցելու Եվրո-2024-ի որակավորման փուլի առաջին հանդիպումներին:

Պորտուգալացիների նորանշանակ գլխավոր մարզիչ Ռոբերտո Մարտինեսը հրավիրել է հետևյալ ֆուտբոլիստներին.

Դարպասապաներ – Դիոգու Կոշտա («Պորտու»), Ժոզե Սա («Վուլվերհեմպտոն, Անգլիա), Ռուի Պատրիսիու («Ռոմա», Իտալիա)

Պաշտպաններ – Դիոգու Դալոտ («Մանչեսթեր Յունայթեդ», Անգլիա), Ժոաու Կանսելու («Բավարիա», Գերմանիա), Նունու Մենդեշ, Դանիլու Պերեյրա (երկուսն էլ՝ ՊՍԺ, Ֆրանսիա), Պեպե («Պորտու»), Ռուբեն Դիաշ («Մանչեսթեր Սիթի, Անգլիա), Անտոնիու Սիլվա («Բենֆիկա»), Գոնսալու Ինասիու («Սպորտինգ»), Դիոգու Լեյտե («Ունիոն Բեռլին», Գերմանիա), Ռաֆայել Գերեյրու («Բորուսիա Դորտմունդ, Գերմանիա)

Կիսապաշտպաններ – Ժոաու Պալինիա («Ֆուլհեմ, Անգլիա), Մատեուշ Նունյես, Ռուբեն Նևեշ (երկուսն էլ՝ «Վուլվերհեմպտոն»), Բերնարդու Սիլվա («Մանչեսթեր Սիթի»), Բրունու Ֆերնանդեշ («Մանչեսթեր Յունայթեդ»), Ժոաու Մարիու («Բենֆիկա»), Օտավիու («Պորտու»), Վիտինիա (ՊՍԺ)

Հարձակվողներ – Կրիշտիանու Ռոնալդու («Ալ Նասր», Սաուդյան Արաբիա), Գոնսալու Ռամուշ («Բենֆիկա»), Ժոաու Ֆելիքս («Չելսի», Անգլիա), Ռաֆայել Լեաու («Միլան», Իտալիա), Դիոգու Ժոտա («Լիվերպուլ»)

Հավելենք, որ Պորտուգալիայի հավաքականը Եվրո-2024-ի որակավորման փուլի շրջանակում մարտի 23-ին կմրցի Լիխտենշտեյնի, իսկ մարտի 26-ին՝ Լյուքսեմբուրգի ընտրանիների դեմ:

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am