Պոգոնը ջախջախեց Ռադոմյակին. Բիչախչյանը մասնակցեց հանդիպմանը🎥

Լեհական Էկստրակլասայի 24-րդ տուրի շրջանակում «Պոգոն Շեցինը» սեփական հարկի տակ մրցեց «Ռադոմյակ Ռադոմի» դեմ։

Հանդիպման մեծ մասում «Պոգոնն» ուներ տարածքային լուրջ առավելություն, ինչն էլ նպաստեց, որ Կոստա Ռունյայիչի թիմը մրցակցին ջախջախեց 4:0 հաշվով։

Շեցին քաղաքը ներկայացնող ակումբի կազմից մեկական անգամ աչքի ընկան Կամիլ Դրիգասը, Կոնստանտինոս Տրիանտաֆիլոպուլոսը, Մատեուշ Լեգովսկին ու Ժան Կառլոսը։

Այս հաղթանակից հետո «Պոգոնը» վաստակեց 49 միավոր և ժամանակավորապես գլխավորեց Էկստրակլասայի մրցաշարային աղյուսակը։

«Ռամոյակը», 39 միավորով, 4-րդն է։

Նշենք, որ «Պոգոնի» կազմից հանդիպմանը մասնակցեց նաև Վահան Բիչախչյանը, ով փոխարինվեց 66-րդ րոպեին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am