Պաշտոնական․  Պիռլոն հեռացվեց Յուվենտուսի գլխավոր մարզչի պաշտոնից

Պաշտոնական․ Պիռլոն հեռացվեց Յուվենտուսի գլխավոր մարզչի պաշտոնից

28/05/2021 - 14:16

Ինչպես տեղեկացնում է «Յուվենտուսի» պաշտոնական կայքը, ակումբի գլխավոր մարզիչ Անդրեա Պիռլոն հեռացվել է զբաղեցրած պաշտոնից։

Հիշեցնենք, որ 42-ամյա մասնագետը թուրինյան ակումբի ղեկը ստանձնել էր 2020 թ․ օգոստոսին։ «Յուվենտուսը» Պիռլոյի գլխավորությամբ նվաճեց երկու տիտղոս՝ մեկական անգամ դառնալով Իտալիայի գավաթակիր ու սուպերգավաթակիր։

Չնայած նվաճած տիտղոսներին՝ կարելի է ասել, որ «բյանկոներիները» ձախողեցին մրցաշրջանը, քանի որ Ա սերիայի շրջանակում առաջնությունն ավարտեցին ընդամենը 4-րդ հորիզոնականում և ընդհատեցին իրենց չեմպիոնական շարքը, որը բաղկացած էր 9 անընդմեջ չեմպիոնական տիտղոսից, իսկ Չեմպիոնների լիգայի շրջանակում պայքարը լքեցին 1/8 եզրափակչից՝ երկու խաղերի արդյունքում զիջելով «Պորտուին»։

Արդեն հայտնի է, որ «Յուվենտուսի» գլխավոր մարզչի պաշտոնում Անդրեա Պիռլոյին կփոխարինի Մասիմիլիանո Ալեգրին, ով 2014-2019 թթ․ արդեն մարզել է թուրինյան ակումբը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023