Պաուլու Բենտուն հեռացել է Հվ. Կորեայի հավաքականի գլխավոր մարզչի պաշտոնից

Պաուլու Բենտուն հեռացել է Հվ. Կորեայի հավաքականի գլխավոր մարզչի պաշտոնից

06/12/2022 - 12:25

ԱԱ-2022-ի 1/8 եզրափակիչի շրջանակում Հարավային Կորեան 1:4 հաշվով պարտվեց Բրազիլիային` լքելով հետագա պայքարը։

Հանդիպումից հետո տեղի ունեցած մամուլի ասուլիսի ժամանակ հարավկորեացիների գլխավոր մարզիչ Պաուլու Բենտուն հայտարարեց, որ լքել է զբաղեցրած պաշտոնը.

«Այժմ ես և մարզչական շտաբը պետք է մտածենք ապագայի մասին, որը չի կապվում Հարավային Կորեայի հավաքականի հետ։

Քիչ առաջ ես մեր որոշման մասին հայտնել եմ ֆուտբոլիստներին և ֆեդերացիային նախագահին` հայտնելով երախտագիտություն այն ամենի համար, ինչ նրանք արել են։

Հպարտ եմ, որ ավելի քան չորս տարի եղել եմ նրանց մարզիչը: Այժմ ես մտադիր եմ հանգստանալ, իսկ այնուհետև կտեսնենք, թե ինչպես կզարգանան իրադարձությունները։

Ցանկանում նշել, որ այս որոշումը կայացրել եմ դեռևս սույն թվականի սեպտեմբերին»,- Բենտուի խոսքերը մեջբերում է Reuters-ը։

Հավելենք, որ 53-ամյա մասնագետն «ասիական վագրերի» գլխավոր մարզչի պաշտոնն ստանձնել էր 2018 թ. օգոստոսին։

Պորտուգալացի մասնագետի գլխավորությմաբ Հարավային Կորեան անցկացրել է 57 հանդիպում, տոնել 35 հաղթանակ, 13 անգամ խաղացել ոչ-ոքի և կրել 9 պարտություն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023