Պաշտոնական. Վանը պայմանագիր է կնքել էկվադորցի պաշտպանի հետ

Պաշտոնական. Վանը պայմանագիր է կնքել էկվադորցի պաշտպանի հետ

15/02/2022 - 00:06

Ինչպես տեղեկացնում է «Վանի» մամուլի ծառայությունը, ակումբը պայմանագիր է կնքել էկվադորցի ձախ պաշտպան Սիլվիո Գուտիերեսի հետ։

28-ամյա պաշտպանն իր կարիերայի ընթացքում հանդես է եկել միայն էկվադորական ակումբներում, իսկ 2019 թ. «Դելֆինի» կազմում դարձել է երկրի չեմպիոն։

Գուտիերեսի վերջին ակումբը եղել է «Էստուդիանտես Կուենկան», որտեղ հանդես էր գալիս 2021 թ. օգոստոսից։

Նշենք, որ այս գործարքն իրականացվել է Լատինական Ամերիկայի շուկայում հայտնի, Արգենտինայում բնակվող հայ գործակալ Գուրգեն Սաղումյանի և Interfootball-ի «Լեգենդներ» հաղորդաշարի հեղինակ և վարող, ֆուտբոլային գործակալ Մոգի` Հայկ Զաքարյանի միջնորդությամբ ու համագործակցությամբ։

Interfootball-ի թղթակիցը կապվել և փոքրիկ հարցազրույց է ունեցել Գուրգեն Սաղումյանի հետ։

Ինչպե՞ս ստացվեց այս գործարքը։ Ի՞նչ ակնկալիքներ ունեք Սիլվիոյից։

– Այս տրանսֆերին հասնելու համար երկար ճանապարհ ենք անցել Սիլվիոյի հետ և փառք Աստծո ստացվեց, ինչի կապակցությամբ մենք շատ ուրախ ենք։ Սիլվիոյից սպասում եմ շատ ուժեղ խաղ։ Ավելին քան վոտահ եմ նրա ուժերին։

Ինչպե՞ս կգնահատեք Սիլվիոյի խաղը։

– Սիլվիոն շատ արագաշարժ, հիանալի տեխնիկայով օժտված ֆուտբոլիստ է։ Շատ դրվագներում նա նույնիսկ զարմացնում է ինձ։ Մրցաշրջանի երկրորդ հատվածի հենց մեկնարկում կհամոզվեք ինքներդ։

Ի՞նչ կասեք «Վան» ֆուտբոլային ակումբի մասին։

– «Վանին» մրցաշրջանի երկրորդ հատվածում միայն հաղթանակներ եմ մաղթում։ Ըստ իս` այս պահին թիմում մարտունակ տղաներ են հավաքված ու նաև գիտեմ, թե որքան դրական ու բարձր մակարդակի մթնոլորտ է տիրում ակումբի ներսում, ինչը շատ կարևոր է ու հաջողության գրավականներից է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023