Պաշտոնական. Ռեյները տեղափոխվեց Ռեալ Մադրիդ
20/01/2020 - 20:57
Ինչպես տեղեկացնում է Մադրիդի «Ռեալի» պաշտոնական կայքը, ակումը 30 մլն եվրոյի դիմաց ձեռք է բերել բրազիլական «Ֆլամենգոյի» 18-ամյա կիսապաշտպան Ռեյներին։
Խաղացողը ակումբի հետ կնքել է 6.5 տարվա պայմանագիր, սակայն աշխատավարձի չափի մասին դեռևս մանրամասներ չեն ներկայացվում։ Կիսապաշտպանը սկզբնական շրջանում հանդես է գալու «արքայական» ակումի երկրորդ թիմի` «Կաստիլիայի» կազմում։
Նշվում է, որ Ռեյները «Ռեալին» կմիանա փետրվարի 9-ից հետո, քանի որ ներկա պահին Բրազիլիայի օլիմպիական հավաքականի կազմում մասնակցում է Տոկիո-2020-ի որակավորման փուլին։