Պաշտոնական․ Էմրե Ջանը վերադարձավ Բունդեսլիգա
01/02/2020 - 00:14
Ինչպես տեղեկացնում է Դորտմունդի «Բորուսիայի» պաշտոնական կայքը, ակումբը «Յուվենտուսից» վարձակալել է 26-ամյա հենակետային կիսապաշտպան Էմրե Ջանին։
Վարձակալությունը նախատեսված է մինչև մրցաշրջանի ավարտը, որից հետո դորտմունդյան ակումբը 25 մլն եվրոյով իրավունք կունենա գնել խաղացողի ամբողջական տրանսֆերը։ Գումարի վճարումը պետք է տեղի ունենա 3 ֆինանսական տարում։
Հիշեցնենք, որ Ջանը Բունդեսլիգայում խաղալու փորձ արդեն ունի։ Նա հանդես է եկել «Բավարիայի» և «Բայերի» կազմում։