Չեմպիոնների լիգան Բավարիայի մրցաշարն է🎥

Չեմպիոնների լիգայի 2020/21 խաղարկության խմբային փուլի 3-րդ տուրի շրջանակում մրցաշարի գործող չեմպիոն «Բավարիան» հյուրընկալվել էր «Զալցբուրգին»։

Չնայած ավստրիական ակումբը մինչև 79-րդ րոպեն լուրջ դիմադրություն ցույց տվեց ահեղ մրցակցին, սակայն պարտվեց 2։6 հաշվով։

Մինչև 79-րդ րոպեն հաշիվը 2։2 էր։ «Զալցբուգրին» 4-րդ րոպեին առաջ էր մղել Մեգրիմ Բերիշան, սակայն 21-րդ րոպեին Ռոբերտ Լևանդովսկին հավասարեցրեց հաշիվը, իսկ 44-րդ րոպեին Ռասմուս Քրիստիենսենը գրավեց սեփական դարպասը։

65-րդ րոպեին Ջեսի Մարչի սաները Մասայա Օկուգավայի ջանքերով հավասարեցրեցին հաշիվը, սակայն դրանից հետո Հանսի Ֆլիկի սաները կազմաքանդ արեցին «Զալցբուրգի» պաշտպանությունը՝ 4 անգամ գրավելով Ցիցան Ստանկովիչի դարպասը։ Մեկական անգամ գոլերի հեղինակներ դարձան Լերոյ Սանեն, Ժերոմ Բոատենգը, Լյուկա Էրնանդեսը և Ռոբերտ Լևանդովսկին, ով վերջնական արդյունքում դարձավ դուբլի հեղինակ։

A խմբի մյուս խաղում էլ «Ատլետիկոն» ու «Լոկոմոտիվը» Մոսկվայում կիսել էին միավորը․ գրանցվել է 1։1 հաշվիը, իսկ գոլերը խփել են Խոսե Մարիա Խիմենեսն ու Անտոն Միրանչուկը։

A խումբն ունի հետևյալ տեսքը

1․ «Բավարիա» – 9 միավոր

2․ «Ատլետիկո Մադրիդ» – 4 միավոր

3․ «Լոկոմոտիվ» – 2 միավոր

4․ «Զալցբուրգ» – 1 միավոր